سەرۆکایەتی بەڕێوەبردنی کارەسات و دۆخە لەناکاوەکان لە تورکیا، ئەمڕۆ هەینی،
ئاشکرایکرد کە ژمارەی قوربانیانی لافاوەکەی رۆژئاوای دەریای رەش لەو وڵاتە گەیشتوەتە
81 کەس.
ئاوێنە: دواى ئەوەى بۆ ماوەی زیاتر لە هەفتەیەک بەهۆى بارانى بەخوڕ لافاو و
زریان ناوچەکانى رۆژئاواى دەریاى رەشى لە باکورى تورکیا گرتەوە، تائێستاش گەڕان بەدواى
قوربانیان بەردەوامە.
سەرۆکایەتی بەڕێوەبردنی کارەسات و دۆخە لەناکاوەکان لە تورکیا، لە راگەیەندراوێکدا
ئاشكرایكرد، لە پارێزگای کاسامۆنو 70 كەس و لە پارێزگای سینۆپ 10 كەس و لە پارێزگای
بارتنیش یەک کەس بەهۆی لافاوەكەوە گیانیان لەدەستداوە كە سەرجەمیان دەكاتە 81 كەس.
جگە لە زیانە گیانییەکان، لافاوەکە بوەتە هۆى داڕمانى چەندین پرد و خانو، چەندین
رێگاشى بەتەواوەتى تێكداوە.