دەستەی حەشدی شەعبی رایگەیاند، شەوی رابردو لە هێرشێكی چەكدارانی داعشدا بۆ
سەر هێزێكیان لە قەزای "تارمیە"ی باكوری بەغدا، چوار چەكداری حەشد
كوژراون و شەشی دیكەش برینداربون.
ئاوێنە: دەستەی حەشدی شەعبی، بەرەبەیانی ئەمڕۆ شەممە، لە راگەیەندراوێكدا ناوی
كوژراو و بریندارانی هێرشەكەی بڵاوكردۆتەوەو وتویەتی، یەكێك لە كوژراوەكان جێگری
فەرماندەی فەوجی مغاویری لیوای 12ی حەشدی شەعبییە.
حەشدی شەعبی، رایگەیاندوە، چەكدارانی داعش قەزای تارمیە-یان لە باكوری
بەغدا كردۆتەوە حەشارگەی خۆیان كە ناوچەیەكی مەترسیداری جیاكەرەوەی نێوان بەغداو
سەڵاحەدین و ئەنبارە.
هێزەكانی حەشدی شەعبی ئۆپەراسیۆنێكیان لە ناوچەكە دژ بە چەكدارانی داعش دەستپێكردوە
كە لە ئێستادا پێی ناوەتە هەفتەی دوەمییەوە.