وەزارەتی
ئاوەدانكردنەوەو نیشتەجێكردنی حكومەتی هەرێم رایگەیاند، لەسەدا 45ی كارەكانی پڕۆژەی
پردی نوێی دەربەندی رانیە تەواوکراوەو كاركردنیش لە پڕۆژەكە بەردەوامی هەیە.
ئاوێنە:
وەزارەتەكە، ئەمڕۆ شەممە، لە راگەیەندراوێكدا وتی"لەسەدا 45ی كارەكانی پڕۆژەی
پردی نوێی دەربەندی رانیە تەواوکراوە."
بەپێی راگەیەندراوەكە "كارکردن لە پڕۆژەی دروستکردنی پردی نوێی
دەربەندی رانیە بەردەوامی ھەیەو سەرەڕای رۆژانی پشو و ھەینی کارکردن تیایدا بەردەوامە."
پڕۆژەی پردی دەربەندی
رانیە-بنگرد، لە رۆژی 13/10/2020 بەئامادەبونی سەرۆکی ئەنجومەنی وەزیران و وەزیری
ئاوەدانکردنەوە بەردی بناغەی دانراوە.
درێژییەکەی 420
مەترو بەرزییەكەی 21 مەترو پانییەكەی 15 مەترەو بڕی زیاتر لە 11 ملیار دیناری بۆ تەرخانکراوە.
بەگوێرەی راگەیەندراوەكەی وەزارەتی
ئاوەدانكردنەوە "یەکێکە لە پڕۆژە گرنگ و ستراتیژییەکانی وەزارەتی ئاوەدانکردنەوەو ئیدارەی
راپەڕین بە سلێمانییەوە دەبەستێتەوە."