2021-08-21   783     
پەیپەرێكی سەنتەری (المستقبل) ی ئیماراتی لەبارەی پەیوەندییەكانی ئێرانی شیعە و بزوتنەوەی تالیبانی سوننە لە قۆناغی داهاتوودا و پێشبینی ئەوە دەكات ئێران لەپێگەیەكی ناوەڕاستدا بمێنێتەوە بەرامبەر تالیبان تا ئەوكاتەی بارودۆخی بۆ ڕوون دەبێتەوە.
ئاوێنه: توێژینەوە ئیماراتییەكە خوێندنەوەی بۆكردووە سێ تەوەرەی دیاریكردووە كە پەیوەندییەكان رێكدەخەن ئەوانیش خاڵە هاوبەشەكان و خاڵە ناكۆكەكان و ئەگەرەكانن.
لەبارەی خاڵە هاوبەشەكان ئەم راستیانەی خستووەتەڕوو:
ـ ئێران و ئەفغانستان 920 كم سنوری هاوبەشیان هەیە
ـ هەندێ نەتەوەو پێكهاتە لەهەردوو وڵاتدا هەن لەوانەش بەلوج
ـ شیعەی ئەفغانستان 15%_ 29% دەبن كە پەیوەندییان باشە لەگەڵ ئێران
ـ قەبارەی ئاڵوگۆڕ لەنێوان هەردوولا 4 ملیار دۆلارە
پەیوەندییەكانی ماوەی ڕابردوو:
ـ ئێران پاڵپشتی تالیبانی كردووە لەڕووی سەربازی و هەواڵگرییەوە دژی سوپای ئەمەریكا
ـ بەمدواییانە پەیوەندی دیبلۆماسی هەبووە لەنێوان هەردوولا
ـ سوپای پاسداران و ناوەندەكانی دژی خامنەیی داوا لە شیعەی ئەفغان دەكەن دان بەخۆیاندا بگرن بەرامبەر تالیبان
مەترسییەكانی ئێران
ـ ئەگەری پەنادانی گروپە یاخییەكان لەلایەن تالیبانەوە لەوانەش داعش كە ئێران پەیوەندی نییە لەگەڵیان
ـ ئەگەری پەنادانی گروپە جودا خوازە ئێرانییەكان لە ئەفغانستان
ـ ئەگەری ئاوارەبوونی ئەفغانییەكان بە ئاراستەی ئێران كە ئێستا 2 ملیۆن و نیوی تێدایە
ـ زیانی ئابووری لە ئاڵوگۆڕی بازرگانی بەشێوەی كاتی
ـ ئەگەری زیانگەیاندن بەسەرچاوە ئاوییە هاوبەشەكانی نێوان هەردوولا بەتایبەت ڕوباری هلمند
سیناریۆ چاوەڕوانكراوەكان:
ـ بێلایەنی پۆزەتیڤ: لەم ماوەیە ئێران بێدەنگی هەڵدەبژێرێت تا دۆخەكە ڕوون دەبێتەوە
ـ شەڕی بەوەكالەت دژی تالیبان لە رێگەی باڵە شیعەكانەوە لەوانەش لیوای (فاطمیون) كە لە سوریان و سەر بەسوپای پاسدارانن و خۆیان ئەفغانین و بەمدواییانەش هەوڵ هەبوو حەشدی شیعی ئەفغانی دروست بكەن.
ـ دروستكردنی پەیوەندییەكی هاوبەش بەر مەبنای هاوكارییەكانی پێشوو.