2021-08-21 832
وتەبێژی حکومەتی هەرێمی کوردستان ڕاگەیاند، لە دوو ڕۆژی داهاتوودا بەغدا 200 ملیار دینارەکە بۆ هەرێم دەنێرێت و لە ماوەی هەفتەیەکدا بەبێ لێبڕین مووچەی سەرجەم فەرمانبەران دابەشدەکرێت.
ئاوێنه: جوتیار عادل، وتەبێژی حکومەتی هەرێمی کوردستان بە میدیاکانی نزیک لە پارتی ڕاگەیاند، " لە دوو رۆژی داهاتوودا بڕیارە بەغدا 200 ملیار دینار بۆ هەولێر بنێرێت، بۆیە لە 25ی مانگەوە مووچە بە تەواوی دەدرێت و لە ماوەی هەفتەیەکدا دابەشکردن تەواو دەکرێت."
وتەبیژی حکومەتی هەرێم جەختیشیکردووەتەوە، " دڵنیایی هەیە بەغدا ئەو 200 ملیار دینارە بنێرێت، لەگەڵ داهاتی ناوخۆدا وا رێکخراوە مووچەی بە تەواوی پێ بدرێت. "