بەڕێوەبەری ناحیەی قوشتەپە رایگەیاند، ئێوارەی ئەمڕۆ سێشەممە، چەند هاوەنێک
لە سنوری پارێزگای هەولێر لە نزیک قوشتەپە لە گوندەکانی "دۆڵەبەکرە"، "دۆڵەزە"
و "باشتەپە" کەوتنە خوارەوە، هاوەنەکان لە چۆڵەوانیدا کەوتون و هیچ زیانێکی
ماددی و گیانییان نەبوە.
ئاوێنە: ستار ئاغا عومەر،
بەڕێوەبەری ناحیەی قوشتەپە، بۆ روداو
ئەوەشی وتوە"لەلایەن هێزەکانی ئاسایشەوە ئاگادارکراینەوە کە چەند هاوەنێک لە
نزیک قوشتەپە کەوتونەتە خوارەوەو ئێستا تیمەکانی ئاسایش سەرقاڵی لێکۆڵینەوەن."