تاڵیبان هێڵەکانی ئینتەرنێت و پەیوەندیی پەنجشیر دەپچڕێنێت
  2021-08-29       409       

میدیاکارێکی کەناڵی "بی بی سی" بەریتانی ئاشکرایکرد، تاڵیبان هەموو هێڵەکانی ئینتەرنێت و پەیوەندی و مۆبایلی ویلایەتی پەنجشیری ئەفغانستان پچڕاندووە.

ئاوێنه‌: ئه‌مڕۆ یەکشەممە، ٢٩ی ئاب، یەڵدا حەکیم، میدیاکاری کەناڵی "بی بی سی" بەریتانی رایگەیاند:" زانیاری تەواوی هەیە لەناوخۆی ئەفغانستانەوە کە تاڵیبان هەموو هێڵەکانی ئینتەرنێت و پەیوەندی و مۆبایلیی ویلایەتی پەنجیشری لە باکوری وڵاتەکە پچڕاندووە".

هاوکات دوێنێش کەناڵی "تەللوع نیوز"ی ئەفغانی لەزاری ئینعامەڵڵا سمنجانی، ئەندامی لیژنەی رۆشنبیری تاڵیبانەوە ئاماژەی بەوەداوە:" چەکدارانی بزووتنەوەکە لەچەند لایەکەوە چوونەتە ناو ویلایەتی پەنجشیرەوە و هیچ بەرەنگارییەکیش بەرامبەریان نەکراوە و دەرگای گفتوگۆ لەگەڵ "هاوپەیمانیی باکور" هێشتا کراوەیە".

"هاوپەیمانی باکور" ئەو هێزانە دەگرێتەوە کە بەنەیاری تاڵیبان دادەنرێن و لەلایەن ئەحمەد مەسعود، کوڕی ئەحمەد شا مەسعودەوە سەرکردایەتی دەکرێن و لەویلایەتی پەنجشیری باکوری ئەفغانستان کۆبوونەتەوە کە تاکە ویلایەتی ئەو وڵاتەیە نەکەوتبێتە ژێرکۆنتڕۆڵی تاڵیبان.

زۆرترین بینراو
© 2021 Awene Online, Inc. All Rights Reserved.
×