پۆلیسی راپەڕین، ئەمڕۆ هەینی، ئاشكرایكرد، هێزەكانیان لە نوسینگەی نەهێشتنی تاوانی پشدەر، دوای
بەدەستهێنانی زانیاری و بەدواداچون دو تۆمەتباریان بەتاوانی دزیکردن دەستگیرکرد.
ئاوێنە: بەڕێوەبەرایەتی پۆلیسی راپەڕین لە
راگەیەندراوێكدا ئەوەشی وتوە، دوای لێکۆڵینەوە لەگەڵیاندا دانیان ناوە بە تاوانەکانیاندا و بە وتەی
خۆیان "لە دوکان و ماڵان بوتڵی غاز و موبەڕیدە و ئەشیای تریان دزیوە."
بەقسەی پۆلیس، ئەو
دو تۆمەتبارە بەبڕیاری دادوەر و بە ماددەی 446 لە یاسای سزادانی عێراقی ڕاگیران و
لێکۆڵینەوەش لەگەڵیاندا بەردەوامە.