وه‌زاره‌تى ته‌ندروستى حكومه‌تى هه‌رێمى كوردستان رێژه‌ى توشبوونى هاووڵاتیانى به‌ كۆرۆنا ڕاگه‌یاندو به‌پێى ئه‌و ڕێژه‌یه‌ى ڕاگه‌یه‌ندراوه‌ ئه‌مرۆ زیاتر له‌ 4 هێنده‌ى دوێنێ شه‌ممه‌ هاووڵاتیان توشى كۆرۆنابوون.

ئاوێنە: به‌پێى ڕاگه‌یه‌ندراوێكى وه‌زاره‌تى ته‌ندروستى حكومه‌تى هه‌رێم، له‌ماوه‌ى 24 كاتژمێرى ڕابردودا، 10172 پشكنین له‌هه‌رێمى كوردستان ئه‌نجامدراوه‌و له‌و ڕێژه‌یه‌، 1679كه‌س توشى كۆرۆنابوون و 2127كه‌س به‌ته‌واوى چاكبونه‌ته‌وه‌و ڤایرۆسه‌كه‌یان تێپه‌ڕاندوه‌.

ئه‌وه‌شخراوه‌ته‌ڕوو،17هاووڵاتى له‌ماوه‌ى 24 كاتژمێردا به‌ كۆرۆنا گیانیان له‌ده‌ستداوه‌ كه‌ 6كه‌سیان له‌ سلێمانى 5كه‌س له‌ دهۆك 4كه‌س له‌هه‌ولێرو 2كه‌س له‌ گه‌رمیان بوه‌.

توشبونى 1679كه‌س به‌ ڤایرۆسى كۆرۆنا له‌ماوه‌ى 24 كاتژمێردا له‌كاتێكدایه‌ دوێنێ شه‌ممه‌ ته‌نها 442كه‌س توشى كۆرۆنابوون.