ئەنجومەنی ئاسایشی هەرێمی كوردستان دانپێدانانی گروپێكی سەربە داعشی
بڵاوكردەوەو دەڵێت"پیلان و بەرنامەیان هەبو چەند کردەوەیەکی تیرۆریستی لەناو
شاری هەولێر ئەنجام بدەن."
ئاوێنە: ئەنجومەنی ئاسایشی هەرێمی كوردستان، ئێوارەی ئەمڕۆ یەكشەممە، لە
راگەیەندراوێكدا وتی"ئەو گروپە تیرۆریستییە لە سەرەتای ئەمساڵەوە لەلایەن ئەمنی
عامی گروپی تیرۆریستی داعش چالاک کراونەتەوە و لەلایەن ئەمیرێکی ئەمنی ناسراو بە
(ئەبو حارس) فەرمانیان پێدراوە بۆ ئەوەی کردەوەی تیرۆریستی لە شاری هەولێر ئەنجام
بدەن."
بەپێی راگەیەندراوەكە، گروپەكەی داعش "هەوڵیانداوە بۆمبی
چێندراو بۆ ناو شاری هەولێر بهێنن و لەنێو شاری هەولێر کردەوەی تیرۆریستی پێ ئەنجام
بدەن و کەسانی بیانی و ئەمنی بکەنە ئامانج."
ئاماژەی بەوەشداوە
كە بە هەوڵی تیمەکانی بەڕێوەبەرایەتی گشتیی دژەتیرۆر و بەڕێوەبەرایەتی ئاسایشی
هەولێر "توانراوە پێش ئەنجامدانی کردەوە تیرۆریستییەکان، ئەندامی ئەم تۆڕە لەناو
شاری هەولێر دەستگیربکەن و پیلانەکەیان پوچەڵ بکرێتەوە."
جگەلەوەی سێ لە تۆمەتبارەکان تەمەنیان خوار 18 ساڵەو ناو و دەموچاویان
شاردراوەتەوە، ناوی ئەندامانی دیكەی گروپە "تیرۆریستییەكەی داعش" پێكدێن لە:
- حەیدەر عەبدولوەهاب
جحێشی
- ئەحمەد هەیسەم ئەحمەد
جحێشی
- سەدام عەزیز عەبد عیدێوی
- حەمزە ئیبراهیم وسمی
عوبێد