وتەبێژی پۆلیسی سۆران ئاشكرایكرد، درەنگانی شەوی رابردو دو گەنج لە جوندیانی سەربە قەزای رواندز بە دەستڕێژی گوللـە كوژران.
ئاوێنە: شەماڵ دێواری، وتەبێژی پۆلیسی سۆران، بە روداوی راگەیاندوە كە ئەو دو گەنجە سەعات 12:30 خولەكی شەوی رابردو لەنێو گەراجی هاوینەهەواری جوندیان تەقەیان لێكراوە.
بەقسەی وتەبێژی پۆلیسی سۆران گەنجە كوژراوەكان تەمەنیان 26 ساڵ و 28 ساڵەو خەڵكی گوندی "گەرەوان"ی رواندزن.
شەماڵ دێواری ئەوەشی وتوە"روداوەکە کێشەی کۆمەڵایەتی بوە. بکوژو کوژراو خزمی یەکدین. بەڵام یەکێک لە کوژراوەکان ھیچ پەیوەندییەکی بە کێشە کۆمەڵایەتییەکەوە نەبوەو تەنھا برادەری کوژراوەکەی دیکە بوەو هاتوەتە لای وەک هاورێ".