2021-09-13 289
پۆلیسی سلێمانی دەستگیركردنی تۆمەتبارێكی ڕاگەیاند، كە بە ئۆتۆمبێل لە هاوڵاتییەكی داوە و هەڵاتووە.
بەشی ڕاگەیاندن و پەیوەندییەکانی بەڕێوەبەرایەتیی پۆلیسی پارێزگای سلێمانی لە ڕاگەیاندراوێكدا ئاشكرایكردووە، مەفرەزەکانی بەشی پۆلیسی ناوشار / ڕۆژئاوا – بنکەی پۆلیسی چوارچرا تۆمەتبارێکیان دەستگیرکرد، کە بە ئۆتۆمبێل لە ھاوڵاتییەکی دابوو و دواتر ھەڵاتبوو.
پۆلیس ئاشكرایكردووە، دوای ڕووداوەكە، مەفرەزەکانی پۆلیس و تیمە فریاگوزارییەکانی دیکە گەیشتنە شوێنی ڕووداوەکە و ھاوڵاتییەکەیان گەیاندە نەخۆشخانە، دواتر قوربانییەكە سکاڵای لەسەر شۆفێرەکە تۆمارکرد و هێزەکانی پۆلیس لێکۆڵینەوە و بەدواداچوونەکانیان بۆ دۆزینەوە و دەستگیرکردنی تۆمەتبار دەستپێکرد.
پۆلیسی سلێمانی دەڵێت، دوای بینینەوەی کامێراکانی چاودێری و وەرگرتنی بڕیاری دادوەر، توانراوە تۆمەتبارەکە دەستگیربکرێت، كە لەدایکبووی 1987ــە و بەبڕیاری دادوەر ڕاگیراوە و لێکۆڵینەوە لەگەڵیدا بەردەوامە.