وەزیری گواستنەوەو گەیاندنی هەرێمی كوردستان، ئەمڕۆ چوارشەممە، بەڵێنی دا
كە ماوەی لێدانی لۆگۆ و لەزگەی تاكسی درێژبكاتەوە.
ئاوێنە: بەپێی راگەیەندراوێكی وەزارەتەكە، ئەمڕۆ چوارشەممە، ئانۆ جەوهەر، وەزیری
گواستنەوەو گەیاندن پێشوازی كرد لە نوێنەری سەندیكای كرێكاران و شوفێرانی تاكسی.
لەسەردانەكەیاندا شوفێرانی تەكسی داواكارییەكیان ئاڕاستەی وەزیری گواستنەوە
و گەیاندن كرد بۆ درێژكردنەوەی وادەی كۆتایی لێدانی لۆگۆ و لەزگەی تاكسی كە بڕیارە
لە 1/11/2021 كۆتایی بێت و لەبەرامبەردا وەزیری گواستنەوە و گەیاندن جەختی لەوەكردەوە بە هەماهەنگی لەگەڵ وەزارەتی
ناوخۆ و خودی وەزیری ناوخۆ لەسەر هێڵن و ئەم پرسە بە هەند وەرگیراوەو بەڵێنی دا ماوەكەیان
بۆ درێژبكاتەوە تەنانەت سزای پێ بژاردنەكەش دوابخرێ.
وەزیری گواستنەوەو گەیاندن راشیگەیاند، شۆفێران پێویستە پابەندبن بە لێدانی
لۆگۆ و لەزگەو دروستكردنی كارتی زانیاری تاكسی بۆ ئەوەی دوچاری سزای یاسایی نەبن.