وتەبێژی هاوپەیمانی نێودەوڵەتی رایگەیاند، هاوپەیمانی نێودەوڵەتی بۆ شەڕی
دژی داعش بەردەوام دەبێت لە پاڵپشتیكردنی هێزە ئەمنییەكانی عێراق و پێشمەرگە.
ئاوێنە: واین مارۆتۆ، ئەمڕۆ شەممە، لە تویتێكدا رایگەیاند، هاوپەیمانی
نێودەوڵەتی بەردەوام دەبێت لە پێشكەكردنی پشتیوانی و پاڵپشتیكردنی هاوبەشەكانمان
لە هێزە ئەمنییەكانی عێراق و پێشمەرگە بۆ شەڕی دژ بە داعش.
هەروەك ئاماژەی بەوەشداوە كە هاوپەیمانی نێودەوڵەتی پشتیوانی هەوڵەكانی
حكومەتی عێراق و هەرێمی كوردستان دەكات بۆ بەدیهێنانی سەقامگیری لە ناوچەكە.
جەختیشی كردۆتەوە كە پابەند دەبن بە گەرەنتیكردنی نەگەڕانەوەی داعش.