2021-09-19 450
ئەندامێكی لێژنەی پلان و پرۆژەکان لە ئەنجومەنی پارێزگای سلێمانی ڕایگەیاند: چەند دۆسیەیەکی تایبەت بە پرۆژەی بەنزینخانە و پرۆژەی بواری بازرگانیمان ڕادەستی داواكاری گشتی كرد كە بەبێ مۆڵەت كاریان كردوە.
ئاوێنه: خەدیجە عەبدولجەبار ئەندامی ئەنجومەنی پارێزگای سلێمانی ڕایگەیاند: ئەمڕۆ یەک شەممە ٢٠٢١/٩/١٩ وەك لێژنەی پلان و پرۆژەکان لە ئەنجومەنی پارێزگای سلێمانی سەردانی فەرمانگەی داواکاری گشتیمان کرد لەسلێمانی و چەند دۆسیەیەکی تایبەت بە پرۆژەی بەنزینخانە و پرۆژەی بواری بازرگانیمان ئاڕاستەکردن کە بە بێ مۆڵەت کاریان کردووە.
ئەندامەكەی ئەنجومەنی پارێزگای سلێمانی ئاماژەی بۆ ئەوەشكردوە: سەرۆکی فەرمانگەی داواکاری گشتی بەڵێنیان پێداین کەهەمیشە هەماهەنگ بن لەپێناو بەرەنگاربوونەوەی گەندەڵی، رووبەڕووبونەوەی گەندەڵی پرۆسەیەکی بەردەوامە و پشوو درێژی دەوێ.