برایەكی شێروان شێروانی، یەكێك لە سزادراوانی بادینان، ئاشكرایكرد،
پاشنیوەڕۆی ئەمڕۆ دوشەممە، سەردانی براكەی كردوە لە زیندان و دەشڵێت: شێروان
شێروانی كێشی زۆر دابەزیبو بەڵام ورەی بەرزبو.
ئاوێنە: بەرزان شێروانی، برای شێروان شێروانی یەكێك لە سزادراوانی بادینان،
لە هەژماری خۆی لە فەیسبوك ئاشكرایكرد، ئەمڕۆ دوشەممە، سەعات 2ی پاشنیوەڕۆ، لە
زیندانی چاكسازی گەوران سەردانی براكەی كردوەو بۆ ماوەی 20 تا 25 خولەك لەلای بوە.
بەرزانی شێروان وتوشیەتی"نەمانتوانی وەك دو برا قسەی خۆمان بكەین و
تەنانەت هەڵپرسین و ئەوەی لەناخماندایە بپرسین، لەبەرئەوەی سێ كەس لە كارمەندانی
زیندان لامان بون و زۆر بەوردی چاودێرییان دەكردین."
هەروەها ئەوەشی خستۆتەڕو"كێشی (شێروان شێروانی) زۆر دابەزیبو هەروەها
ورەشی زۆر بەرزبو."