فڕۆکە جەنگییەکانی تورکیا لە ناوچە سنورییەکانی نێوان رۆژهەڵات و باکوری کوردستان کاروانێکی کۆڵبەرانی کردە ئامانج و بەوهۆیەوە دو کۆڵبەر کوژران و دوانی دیکەش برینداربون.
ئاوێنە: ئاژانسی فورات نیوز رایگەیاند، فڕۆکە جەنگییەکانی تورکیا لە ناوچە سنورییەکانی نێوان پارێزگای ورمێ لەڕۆژهەڵاتی کوردستان و پارێزگای وان لە باکوری کوردستان، کاروانێکی کۆڵبەرانیان بە بۆمب کردوەتە ئامانج.
سەرچاوەکە ئاماژەی بەوەشکردوە بەهۆی بۆردومانەکەوە دو کۆڵبەر کوژراون و دو کۆڵبەری دیکەش برینداربون، هەروەها دوای بۆردومانەکە هەشت کۆڵبەر لەلایەن هێزەکانی تورکیاوە لەسەر سنور دەستگیرکراون.
بەپێی زانیارییەکان کۆڵبەرەکان خەڵکی گوندی کۆرانی سەر بە پارێزگای ورمێن.