2021-09-21   369     
کۆمسیۆنی هەڵبژاردنەکانی عێراق رایگەیاند، بەهۆی ئەوەی ژمارەیەک تۆمەتی بێ بنەمایان ئاڕاستەی دەسەڵاتی دادوەری عێراق کردووە، بڕیاردراوە دوو کاندیدی هەڵبژاردنە پەرلەمانییەکەی 10ی تشرینی یەکەم دوور بخرێنەوە و ئەو دەنگانەی بەدەستی دەهێنن بە پوچەڵ دادەنرێن.
ئاوێنە: ئەنجومەنی کۆمسیارانی کۆمسیۆن هەڵبژاردنەکان لەراگەیەنراوێکدا باسی لەوەشکردوە، هەردوو کاندید محهمهد عامری و سەڵاح موجبهل پێشێلکاری یاساکانی کۆمسیۆنیان کردووە، بۆیە بڕیاردرا لەکاندیدبونی هەڵبژاردنەکان دووربخرێنەوە.
ئەوەش هاتووە، ئەو دوو کاندیدە 19ی ئەم مانگە لەبەرنامەیەکی تەلەفزیۆنیدا هێرشیانكردوهته سهر دادگا و کۆمەڵێک تۆمەتی بێ بنەمایان ئاڕاستەی دادگاکان کردووە، ئەوەش پێچەوانەی یاساکانی کۆمسیۆنە.
16ی ئەم مانگەش کۆمیسیۆنی باڵای سەربەخۆی هەڵبژاردنەکانی عێراق رایگەیاند، دوای ئەوەی ژمارەیەک سکاڵا تۆمارکران کە باس لەوەدەکەن ئەشواق فەهد عەبود ئەلغرێری، کاندیدی ژمارە 70 لە بازنەی 17ی پارێزگای بەغدا کارتی دەنگدانی کڕیوە، بڕیاردرا ناوبراو لە کاندیدبوون دوربخرێتەوە.