كەشناسی هەرێمی كوردستان باری كەشوهەوای ئەمڕۆ شەممەو سبەی یەكشەممەی شارەكانی
باشوری كوردستانی ئاشكراكردو دەشڵێت: سبەی پلەكانی گەرما، دو تا چوار پلە
بەرزدەبنەوە.
ئاوێنە: بەڕێوەبەرایەتی گشتی كەشناسی و بومەلەرزەزانی هەرێمی كوردستان، لە
راگەیەندراوێكدا، ئاماژەی بەوەداوە كە ئەمڕۆ شەممە، ئاسمانی شارەكانی باشوری
كوردستان، پەڵە هەور دەبێت و پاشان دەگۆڕێت بۆ ساماڵ.
بەپێی كەشناسی هەرێم، ئەمڕۆ بەرزترین پلەی گەرمی پێشبینیكراو لە سلێمانی 32
پلە، لە دهۆك 32 پلە، لە هەولێر 31 پلە، لە هەڵەبجە 33 پلەو لە كەركوك 35 پلە
دەبێت.
سەبارەت بە كەشوهەوای سبەی یەكشەممە، كەشناسی وتویەتی، ئاسمانی شارەكانی
باشوری كوردستان ساماڵ دەبێت.
هەروەك ئاماژەی بەوەشداوە كە سبەی پلەكانی گەرما لە شارەكانی باشوری
كوردستان دو تا چوار پلە بەرزدەبنەوە، بەشێوەیەك كە بەرزترین پلەی گەرمی گەرمی پێشبینیكراو لە
سلێمانی 34 پلە، لە دهۆك 35 پلە، لە هەولێر 35 پلە، لە هەڵەبجە 36 پلەو لە كەركوك 37
پلە دەبێت.