مستەفا كازمی، سەرۆك وەزیرانی عێراق، ئێوارەی ئەمڕۆ یەكشەممە، لەگەڵ
كۆتاییهانی پڕۆسەی دەنگدانی گشتی بۆ هەڵبژاردنی پەرلەمان، رایگەیاند: گفتی خۆمان
بۆ ئەنجامدانی هەڵبژاردنێكی بێگەردو ئارام بردەسەر.
ئاوێنە: مستەفا كازمی، ئێوارەی ئەمڕۆ لە تویتێكدا وتی"سوپاس بۆ خوا ئەرکی
خۆمان بەجێهێنا و گفتی خۆمان بردەسەر بۆ ئەنجامدانی هەڵبژاردنێکی بێگەرد و ئارام."
وتوشیەتی"زۆر سوپاس بۆ: گەلی هێژامان، دەنگدەران، پاڵێوراوان، هێزە سیاسییەکان،
چاودێران، کارمەندانی کۆمسێونی هەڵبژاردن، هێزە ئەمنییە قارەمانەکان لەگەڵ نەتەوە یەکگرتوەکان
و مەرجەعییەتی ئایینی."