عەبادی: كۆمسیۆن متمانەی لەدەستداوە
  2021-10-13       346       

سەرۆكی هاوپەیمانیی نەسر ڕایدەگەیەنێت، كۆمسیۆن متمانەی لەدەستداوە، دەشڵێت ئەو هەڵەیەی كەڕوویداوە پێویستە تا ڕۆژ دەبێتەوە ڕاستبكرێتەوە.

ئاوێنه‌: حەیدەر عەبادی، سەرۆكی هاوپەیمانیی نەسر لە تویتێكدا كە لەهەژماری تایبەتی خۆی بڵاویكردووەتەوە دەڵێت، “كاتێك خۆپیشاندانی تشرین لە ساڵی 2019 ڕوویدا، یەكەمین داواكارییان ئەوەبوو كە هەڵبژاردنێكی پاك و دوور لە ساختەكاریی ئەنجام بدرێت تاوەكو متمانە بۆ وڵات بگەڕێتەوە”.

دەشڵێت، “بەڵام ڕاگەیاندنی ئەنجامە بەراییەكانی هەڵبژاردن لەلایەن كۆمسیۆنەوە متمانەی هاوڵاتییانی بە كۆمسیۆن نەهێشت”.

عەبادی لە كۆتایی تویتەكەیدا دەڵێت، “عاقڵ ئەو كەسیە كە نەهێڵێت ڕۆژ بووەوە هەڵەكەی ڕاستبكاتەوە”.

بەرەبەیانی ئەمڕۆ كۆمسیۆن ئەنجامی بەرایی جیاكردنەوە و ژماردنی دەنگی زیاتر لە سێ هەزار سندوق بەشێوەی دەستی ڕاگەیاند و بەپێی ئەنجامەكان گۆڕانكاریی بەسەر ڕێژەی كورسی لایەنەكاندا هاتووە، بەجۆرێك كورسییەكانی سەدر كەمیكردووە و لیستەكانی سەر بەحەشدی شەعبیش زیادیانكردووە.

زۆرترین بینراو
© 2021 Awene Online, Inc. All Rights Reserved.
×