رێكخەری گشتی و سەرجەم ئەندامانی خانەی راپەڕاندنی گۆڕان دەستیان لەكاركێشایەوە
  2021-10-13       761       

سەرجەم ئەندامانی خانەى راپەڕاندنى بزوتنەوەى گۆڕان بە رێكخەری گشتییەوە دەستیان لەکارکێشایەوەو بۆ بەڕێوەبردنی بزوتنەوەکەش دەستەیەکى کاتى پێکدەهێندرێت.

 ئاوێنە: خانەی راپەڕاندنی بزوتنەوەی گۆڕان، ئێوارەی ئەمڕۆ چوارشەممە، لە راگەیەندراوێكدا وتی"وەک هەڵگرتنی بەرپرسیارێتی ئەم قۆناغە هەستیارە، خانەی راپەڕاندنی بزوتنەوەی گۆڕان بڕیارماندا دەستلەکاربکێشینەوە."

ئەوەشی خستۆتەڕو"لە زوترین کاتدا دەستەیەکی کاتی بۆ بەڕێوەبردنی بزوتنەوەکە پێکدەهێندرێت."

خانەی راپەڕاندنی بزوتنەوەی گۆڕان پێكدێت لە رێكخەری گشتی، سكرتێری جڤاتی نیشتمانی، سكرتێری كاروباری فراكسیۆنەكان، سكرتێری كاروباری باژێڕەكان، سكرتێری كاروباری ژورەكان،  سكرتێری كاروباری خەڵك و سەرۆكی جڤاتی گشتی.

دەقى راگەیەندراوى خانەى راپەڕاندنى بزوتنەوەى گۆڕان

راگەیاندراوێک لە خانەی راپەڕاندنەوە

وەک هەڵگرتنی بەرپرسیارێتی ئەم قۆناغە هەستیارە، خانەی راپەڕاندنی بزوتنەوەی گۆڕان بڕیارماندا دەستلەکاربکێشینەوە، هاوکات لە زوترین کاتدا دەستەیەکی کاتی بۆ بەڕێوەبردنی بزوتنەوەکە پێکدەهێندرێت.

١٣ی١٠ی٢٠٢١


زۆرترین بینراو
© 2021 Awene Online, Inc. All Rights Reserved.
×