وەزارەتی تەندروستی حكومەتی هەرێمی كوردستان، ئێوارەی ئەمڕۆ شەممە، رایگەیاند،
لەماوەی 24 سەعاتی رابردودا 464 توشبوی نوێی كۆرۆنا تۆماركراون و هاوكات 20 توشبوی
دیكەی ڤایرۆسەكەش گیانیان لەدەستداوە كە زۆترینیان لە سلێمانی بون.
ئاوێنە: وەزارەتەكە، كەمێك لەمەوبەر، لە راگەیەندراوێكدا ئاماری 24 سەعاتی
رابردوی كۆرۆنای لە هەرێمی كوردستان خستەڕو.
بەگوێرەی راگەیەندراوەكە لەماوەی 24 سەعاتی رابردودا پێنج هەزارو 467 پشكنینی
نوێ ئەنجامدراون و بەپێی ئەنجامەكان ژمارەی توشبوانی نوێی كۆرۆنا كەمتر بوە لەو
توشبوانەی لە ڤایرۆسەكە چاكبونەتەوە بەشێوەیەك 464 توشبوی نوێی كۆرۆنا تۆماركراون
و هەزارو 608 توشبوش چاكبونەتەوە.
وەزارەتی تەندروستی هەرێم ئاماژەی بەوەشداوە كە لەماوەی 24 سەعاتی رابردودا
20 توشبوی دیكەی كۆرۆنا گیانیان لەدەستداوە: 5 لە هەولێر، 7 لە سلێمانی، 4 لە دهۆك،
1 لە هەڵەبجە، 2 لە گەرمیان، 1 لە راپەڕین.
دەقی راگەیەندراوەكە:
