وەزارەتی كارەبا روونكردنەوەیەك لەسەر پێوەری زیرەك بڵاودەكاتەوە
  2021-10-21       183       

لیژنەی باڵای پێوەری زیرەك لە رونكردنەوەیەكدا سەبارەت بە پێوەرەكە باس لەوە دەكات، یەكێكە لە سەركەوتووترین پرۆژەكانی كارەبا و كەسانێك بە ئەنقەست دەستكاری پێوەرەكانیان دەكەن و پڕوپاگەندەی ناڕاست بڵاودەكەنەوە.

ئاوێنه‌: لیژنەی باڵای پێوەری زیرەك لە رونكردنەوەیەكدا رایگەیاندووە، پێوەری زیرەك بە یەكێك لە سەركەوتووترین پرۆژەكانی كارەبا دادەنرێت و بە كواڵێتییەكی بەرز و بەپێی ئەزموونی چەندین وڵاتی بیانی تاقیكراوەتەوە و چەندین سودی بۆ هاوڵاتیان هەیە.

ئەوەش هاتووە، كەسانێك بە مەرامی خراپ پروپاگەندەی دوور لە راستی بڵاو دەكەنەوە و بە ئەنقەست دەستكاریی پێوەرەكانیان دەكەن، ئەو هاوبەشانەی كارەبا ئاگادار دەكەینەوە كە سەرپێچی لەسەر پێوەری زیرەك ئاشكرایە و وێڕای گرتنەبەری رێكاری یاسایی و سزای دارایی سەرپێچیكاران دەبێت تێچووی پێوەرەكە و چاككردنەوەشی لەئەستۆ بگرن.

لیژنەكە جەختی لەوەش كردووەتەوە، چونكە پێوەرەكە بەبێ بەرامبەر بۆ هاوبەشان بەستراوە و لەكاتی هەر هەڵەیەكی تەكنیكی یان گرفتێك وەزارەتی كارەبا خەرجییەكانی لەئەستۆ دەگرێت، بەپێچەوانەوە هاوبەشەكە دەبێت تەواوی تێچونی چاككردنەوە و دانانی پێوەرێكی دیكە جگە لە سزادانی دارایی لەئەستۆ بگرێت.

زۆرترین بینراو
© 2021 Awene Online, Inc. All Rights Reserved.
×