لە هەولێر رۆژنامەنوسێك بە كۆرۆنا گیانی لەدەستدا
  2021-10-22       414       

سەرلەبەیانی ئەمڕۆ هەینی، سیروان مەلا مەسعود، رۆژنامەنوس لە رادیۆی نەورۆزی هەولێر بەهۆی توشبونی بە كۆرۆنا، گیانی لەدەستدا.

ئاوێنە: رادیۆی نەورۆز لە هەولێر لە پرسە نامەیەكدا هەواڵی گیانلەدەستدانی ئەو رۆژنامەنوسەی پشتڕاستكردۆتەوەو رایگەیاندوە"سەرلەبەیانی ئەمڕۆ هەینی 22/10/2021 هاوکارمان سیروان مەلا مەسعود، بەرپرسی بەشی بێژەران لەرادیۆی نەورۆز بەهۆی توشبونی بە ڤایرۆسی کۆرۆنا کۆچی دوایی کردو بەیەکجاری ماڵئاوایی لێکردین."

ئاماژەی بەوەشداوە كە ناوبراو بەر لەماوەیەک توشی ئەو ڤایرۆسە  ببو و لەنەخۆشخانە چارەسەری وەردەگرت، بەڵام مخابن ئەمڕۆ سەرلەبەیانی گیانی سپارد.

سیروان مەسعود، لە دایکبوی ساڵی 1976 بو، دەرچوی پەیمانگەی زانستە ئیسلامییەکان بو، هەروەها قوتابی دوا قۆناغی کۆلێژی قەڵا بۆ خوێندنی ئیسلامی بو.

زۆرترین بینراو
© 2021 Awene Online, Inc. All Rights Reserved.
×