پارێزگاری سلێمانی: رۆژی دوشەممە لیژنەی باڵای روبەڕوبونەوەی كۆرۆنا كۆدەبێتەوە
  2021-10-23       335       

پارێزگاری سلێمانی رایگەیاند، رۆژی دوشەممە رێکەوتی 25ی ئەم مانگە لیژنەی باڵای روبەڕوبونەوەی کۆرۆنا لە هەرێمی کوردستان کۆدەبێتەوە بەمەبەستی دەرکردنی رێنمایی و بڕیاری نوێ.

ئاوێنە: ھەڤاڵ ئەبوبەکر پارێزگاری سلێمانی، ئەمڕۆ شەممە، بە ڕۆژنامەنوسانی راگەیاند، ئامانج لە کۆبونەوەکەی ڕۆژی دوشەممە تاوتوێکردنی ھەنگاوەکانی بەرەوپێشبردنی پێدانی ڤاکسینە لە قوتابخانە و خوێندنگاکانی هەرێمی کوردستان.

ئاماژەی بەوەشدا، داخستنی دەرگای قوتابخانەکان چارەسەری دۆخەکە ناکات، بەڵکو پێویستە مامۆستایان و فەرمانبەر و کارگوزارانی قوتابخانە و خوێندنگەکان خۆیان بکوتن و ڤاکسین وەر بگرن.

پارێزگاری سلێمانی داوای لە بەڕێوبەرایەتییەکانی پەروەردە لە سەرجەم قەزاکان كرد داوا لە بەرێوبەرایەتی تەندروستی بکەن بۆ ئەوەی تیمی گەرۆکی تەندروستی سەردانی قوتابخانەکان بکات و مامۆستاو کارمەندەکانیان ڤاکسین وەربگرن.

زۆرترین بینراو
© 2021 Awene Online, Inc. All Rights Reserved.
×