پێشبینی کەشناسێکی عیراقی بۆ بارانبارین لەمڕۆدا
  2021-10-27       336       
کەشناسێکی عیراقی ئاشکرایکرد، کە ئەمڕۆ ئەگەرێکی کەم هەیە بۆ هەبوونی باران لە چەند ناوچەیەکی عیراقدا، بەڵام چاوەڕێدەکرێت ئەمشەو لە چەند شارێکی عیراق باران ببارێت.

ئاوێنە: سادق عەتیە، کەشناسی دیاری عیراقی بەپێی نەخشەیەک کە لە لاپەڕەی فەرمی خۆی لە تۆڕی کۆمەڵایەتی فەیسبووک بڵاویکردووەتەوە، پێشبینی خۆی بۆ بارانبارین لەمڕۆدا ئاشکراکردووە و دەڵێت، کە ئەمڕۆ ئەگەری کەم هەیە باران ببارێت، بەڵام لە پارێزگاکانی نەینەوا و دهۆک و هەولێر ئەگەری نمەباران لە رۆژدا هەیە، کە مەرج نییە سەنتەری شارەکان بگرێتەوە.

ئاماژەی بەوەشکردووە، کە ئەگەری هەیە لە شەودا بارانبارین لە چەند ناوچەیەکی دیکەی عیراق دەستپێبکات و تەنانەت ناوچەکانی "ئەنبار، دەشتی نەجەف و سەماوە"ش بگرێتەوە.

بەیانی ئەمڕۆ چوارشەممە، لە چەند ناوچەیەکی هەرێمی کوردستان نمەباران هەبوو، بەڵام لە سەنتەری شارەکاندا ئاستەکەی کەمتر بوو.

بەپێی پێشبینییەکانی کەشناسیش، ئەگەری هەیە کە رۆژانی 29 و 30 و 31ی ئەم مانگە، شەپۆلێکی بارانبارین ناوچە جیاوازەکانی هەرێم بگرێتەوە و دوێنێش لە چەند ناوچەیەکی شاخاوی هەرێمدا بەرێژەیەکی کەم بەفر باریبوو.
زۆرترین بینراو
© 2021 Awene Online, Inc. All Rights Reserved.
×