بەرهەم ساڵح، سەرۆككۆماری عێراق، رایگەیاند، خۆپیشاندانی ئاشتیانەی خوێندكاران بۆ داخوازییەكانیان مافێكی دەستورییەو توندوتیژی دژی خەڵكی مەدەنی و ئاسایشی گشتی مایەی ئیدانەیە.
ئاوێنە: بەرهەم ساڵح، ئێوارەی ئەمڕۆ چوارشەممە، لە تویتێكدا رایگەیاند"زۆر بەداخم بۆ گرژیەکانی سلێمانی. خۆپیشاندانی ئاشتیانەی خوێندکاران بۆ داخوازیەکانیان مافێکی دەستورییەو توندوتیژی دژی خەڵکی مەدەنی و ئاسایشی گشتی مایەی ئیدانەیە."
ئەوەشی وتوە"پاراستنی خۆپیشاندەران ئەرکی هێزە ئەمنیەکانە، با پێکەوە ئارامی و مافی هاوڵاتی و موڵکی گشتی و پیرۆزییەکانی نیشتمان بپارێزین."