لە گەرمیان راوچییەك پۆلیسێك برینداردەكات
  2021-11-25       233       

پۆلیسی دارستان و ژینگەی گەرمیان رایگەیاند: ئێوارەی ئەمڕۆ پێنجشەممە، پۆلیسێکیان لەلایەن راوچیەکەوە بەسەختی بریندار کراوە و راوچیەکەش هێشتا دەستگیرنەکراوە.

ئاوێنە: بەڕێوبەری پۆلیسی پاراستنی دارستان و ژینگەی گەرمیان، عەمید شوان محەمەد، بە رادیۆی دەنگی وت: سه رلە ئێوارەی ئەمڕۆ پێنجشەممە لەناحیەی مەیدان لەکاتی گەڕان بەدوای راوچیدا و لەکاتی ئەرکدا پۆلیسێکی بنکەی مەیدان لەلایەن راوچییەکەوە بەسەختی بریندارکراوە.

وتیشی: راوچیەکە دەستگیر نەکراوەو تەنھا دەست بەسەر ئۆتۆمبێلەکەیدا گیراوە.

سەبارەت بەدۆخی تەندروستی کارمەندەکەش، بەڕێوبەری پۆلیسی پاراستنی دارستان و ژینگەی گەرمیان وتی: لەبەر سەختی برینەکەی رەوانەی نەخۆشخانەی سلێمانی کراوە.

زۆرترین بینراو
© 2021 Awene Online, Inc. All Rights Reserved.
×