راوێژكاری دارایی سهرۆك وهزیرانی عێراق ئاشكرایكرد كه عێراق به گشتی 80 ملیار دۆلار قهرزی ناوخۆیی و دهرهكیی لهسهره.
ئاوێنە: موزهر محهمهد ساڵح، راویژكاری دارایی و ئابوریی مستهفا كازمی، سهرۆك وهزیرانی عێراق له لێدوانێكدا وتی كه قهرزه دهرهكییهكانی عێراق كهمه و دهتوانرێت بدرێتهوه، پێشتر 23 ملیار دۆلار بوه و ئێستا قهرزهكه بۆ 20 ملیار كهمبوهتهوه.
وتیشی كه دهتوانن ئهو قهرزه دهرهكییانه له بودجهی گشتیی بدهنهوه كه ساڵانه دادیدهڕێن.
سهبارهت به قهرزه ناوخۆییهكان، راوێژكارهكهی سهرۆك وهزیرانی عێراق ئاشكرایكرد كه بڕی قهزهكه دهگاته 60 ملیار دۆلار و ئهو قهرزه خراوهته ناو سیستمی دارایی حكومهتهوه و مهترسییهكانی لهسهر بارگرانیی بودجه كهم كراوهتهوه.