قوباد تاڵەبانی، جێگری سەرۆكی حكومەتی هەرێم و عەممار حەكیم، سەرۆكی رەوتی حیكمە، بە پێویستی دەزانن هەنگاوەكانی دەستپێكردنی گفتوگۆی پێكهێنانی حكومەتی نوێی عێراق خێراتر بكرێن.
ئاوێنە: بەپێی راگەیەندراوێكی نوسینگەكەی، ئێوارەى ئەمڕۆ یەکشەممە لە بەغداد، قوباد تاڵەبانی، جێگرى سەرۆکی حكومەتی هەرێم لەگەڵ عەممار حەکیم، سەرۆکی رەوتی حیکمەی نیشتمانی كۆبوە‌وە.
لەو کۆبونەوەیەدا گفتوگۆکرا لەبارەى دوایین گۆڕانکارییەکانی سەر گۆڕەپانی سیاسی و ئەمنی عێراق و هەردولا جە‌ختیان لە پە‌رە‌پێدانی پە‌یوە‌ندییە‌كان كردە‌وە لە‌پێناو پاراستن و بەدیهێنانی بە‌رژە‌وە‌ندی گشتی.
جەختیشکرایەوە کە؛ پێویستە ھە‌موان رۆڵى خۆیان ببینن لەخێراترکردنی هەنگاوەکانی دەستپێكردنی گفتوگۆی پێکهێنانی حکومەتى نوێ بەجۆرێک کەلەبەرژەوەندی عێراق و داخوازییەکانی گەلەکەیدا بێت.