2021-12-13   449     
ئەمڕۆ دوشەممە نرخی نهوتی خاوی برێنت بەرزبونەوەی بەخۆیەوە بینی و به 76.29 دۆلار مامهڵهی پێوهدەکرێت، هەروەها نهوتی خاوی تێكساس گهیشته 72.84 دۆلار.
ئاوێنە: ئاژانسی هەواڵی رۆیتەرز بڵاویکردەوە، هەواڵەکان لەبارەی کەمیی مەترسیی ئۆمیکرۆن بونە هۆی بەرزبونەوەی نرخی نەوت، بەرمیلێک نەوتی برێنت رۆژی پێنجشەممە بۆ زیاتر لە 76 دۆلار بەرزبوەوە و بەمەش نرخی نەوت گەڕایەوە ئاستی سێ هەفتە لەمەوبەر ئەوەش دوای ئەوەی کە دکتۆر ئەنتۆنی فاوچی، راوێژکاری سەرۆکی ئەمریکا بۆ نەخۆشییە گوازراوەکان وتی، ئۆمیکرۆن لە گۆڕاوی دەلتا سوکترە.
ئەمڕۆ لە بۆرسەی جیهانی نرخی یەک بەرملیل نەوتی برێنت 1.14 دۆلار بەرزبوەوە کە دەکات رێژەی 1.52% نرخەکەیی و گەیشتە 76.29 دۆلار، هەروەها نرخی نەوتی خاوی تەکساسی ئەمریکاش 1.17 سەنت بەرزبوەوە کەدەکاتە 1.63%ی نرخەکەیی و یەک بەرمیل گەیشتە 72.84 دۆلار.
کارۆلین باین، راوێژکاری ئابوری لەدامەزراوەی ئیکۆنومیکس رایگەیاند، پێشبینی دەکەن تا کۆتایی ئەمساڵ خواست لەسەر نەوت زیاتربێت و دەگاتە بەرزترین ئاست، بەڵام لەسەرەتای ساڵی 2022ەوە جارێکی دیکە خواست لەسەر ئەو وزەیە رو لەدابەزین دەکات.