ده‌زگای ئاسایشی نیشتمانی راگه‌یاند، كه ئه‌مڕۆ حه‌وت تیرۆریستیان له پارێزگای كه‌ركوك ده‌ستگیركردووه.
له به‌یاننامه‌یه‌كدا، شانه‌ی راگه‌یاندنی ئه‌منیدا هاتووه، كه له‌سه‌ر بنه‌مای زانیارییه هه‌واڵگرییه‌كان هێزه‌كانی ده‌زگای ئاسایشی نیشتیمانی له پارێزگای كه‌ركوك توانیویانه حه‌وت تیرۆریست له‌چه‌ند ناوچه‌یه‌كی جیاوازی كه‌ركوك ده‌ستگیر بكه‌ن كه سه‌ر به رێكخراوی تیرۆریستی داعش بوون.
وتیشی: تۆمه‌تباران دانیان به‌كرده‌وه‌كانیاندا ناوه كه پێشتر له چوارچێوه‌ی ویلایه‌تی كه‌ركوك و ئه‌نبار ئه‌نجامیانداوه‌و ره‌وانه‌ی لایه‌نه یاساییه‌كان كراوان بۆ گرتنبه‌ری رێوشوێنی یاسایی له‌به‌رامبه‌ریان.