بەپێی راگەیەندراوێكی نوسینگەی سەرۆكی پەرلەمانی عێراق، ئەمڕۆ پێنجشەممە، محەمەد حەلبوسی پەیوەندییەكی تەلەفۆنی ئەنتۆنی بلینكن، وەزیری دەرەوەی ئەمریكاوە پێگەیشتوەو بانگهێشتی كردوە تا لە نزیكترین كاتدا سەردانی ئەمریكا بكات.
ئاوێنە: نوسینگەی سەرۆكی پەرلەمانی عێراق، لە راگەیەندراوێكدا وتویەتی"محەمەد حەلبوسی سەرۆکی ئەنجومەنی نوێنەران، ئەمرۆ پێنجشەممە، پەیوەندییەکی تەلەفۆنی لە بەرێز ئەنتۆنی بلینکن وەزیری دەرەوەی ئەمریکا پێگەیشت؛ بەمەبەستی پیرۆزبایی بە بۆنەی دوبارە هەڵبژاردنەوەی بۆ سەرۆکی ئەنجومەنی نوێنەران بۆ خولی پێنجەم و هیوای سەرکەوتنی بۆ بەرێزیان خواست."
لە راگەیەندراوەكەدا هاتوە"وەزیری دەرەوەی ئەمریکا بانگهێشتی بەرێزیانی کرد تا لەنزیکترین کاتدا سەردانی ئەمریکا بکات و تەئکیدی کردەوە لەسەر بەردەوامی هاریکاری نێوان هەردو وڵات لەسەرجەم بوارەکان."