باران و ڕەشەبا زیانی بە کارەبای سلێمانی گەیاندووە
  2022-01-14       158       

بەڕێوەبەرایەتی کارەبای سلێمانی ڕایگەیاند، بەهۆی باران و ڕەشەباوە شەوی ڕابردوو هێڵی گواستنەوەی وزەی کارەبای 123کەیڤی ئەزمەڕ – دەربەندیخان زیانی پێگەیشتووە.

سامان سابیر، لێپرسرای هێڵەکانی گواستنەوەی وزەی کارەبای سلێمانی ڕایگەندووە،  “لە کاتژمێر دووی بەرەبەیانی ئەمڕۆ هەینی هێڵی گواستنەوەی 123 کەیڤی ئەزمڕ – دەربەندیخان بەهۆی شۆرت کەوتوە و تیمەنیش بەردەوامن لە گەڕان و پشکنین بۆ دۆزینەوەی شۆرتەکە و چارەسەرکردنی”.

ئاماژەی بەوەشکردووە “بەهۆی کەوتنی هێڵەکە هەردوو وێستگەی مۆبایلی باریکە و کازیوە بێ کارەبا بوون، بۆیە تا دۆزینەوەی شۆرتەکە و چارەسەرکردنی کێشەکە ئەو فیدەرانەی لەو دوو وێستگەوە دەردەچن بێ کارەبا دەبن”.

ئەو شوئێنانەی لەو دوو وێستگەیەوە کارەبا وەردەگرن ئەمانەن:

‎گوندی بێستان سور

‎کۆمەڵگەی باریکە

‎گوندی باریکە

‎بەشێک لە گەرەکی شەھیدان(عەربەت)

‎ھەرسێ کەمپی ئاوارەکان

‎گوندەکانی خرابە و زێرینجۆ و کاژاو و چەناخچیان و پوشێن .

زۆرترین بینراو
© 2022 Awene Online, Inc. All Rights Reserved.
×