بەغدا؛ بەرپرسێکی پارتی درایە بەر دەستڕێژی گولـلە
  2022-01-14       1998       


مەهدی عەبدولکەریم، وتەبێژی لقی پارتی دیموکراتی کوردستان لە بەغدا و پەرلەمانتاری پێشووی ئەو حزبە ڕایگەیاند، بەیانی ئەمڕۆ هەینی لە بەغدا هەوڵی کوشتنی دراوە و دەستڕێژی گولـلە لە کاروانەکەی کراوە، بەڵام هەوڵەکە شکستی هێناوە و ڕزگاری بووە.   

ئاوێنه‌: مەهدی عەبدولکەریم لێدوانێکی ڕۆژنامەوانیدا ڕایگەیاند، "بەیانی ئەمڕۆ هەینی لە بەغدای پایتەخەت دوو ئۆتۆمبێل چوونەتە سەر ڕێگەی کاروانی ئۆتۆمبێلەکانی و دەستڕێژی گولـلەیان لێکردووە."   

ئاماژەی بەوەشکردووە، پاسەوانەکانی بە تەقەکردن وەڵامی تەقەکەرەکانیان داوەتەوە و پاراستویانە."   

ئەوەشی خستووەتەڕوو، "لە هێرشەکەدا هیچ زیانێکی گیانی نەکەوتووەتەوە، بەڵام زیانێکی زۆر بەر ئۆتۆمبێلەکەی و ئۆتۆمبێلی پاسەوانەکانی کەوتووە و لایەنە ئەمنییەکانیش لێکۆڵینەوە لە ڕووداوەکە دەکەن."   

  

زۆرترین بینراو
© 2024 Awene Online, Inc. All Rights Reserved.
×