ئەو هاوڵاتییەی دەوترا لەسەرما رەقبۆتەوە "ئەگەری زۆرە بەهۆی نەخۆشی دڵ گیانی لەدەستدابێت"
  2022-01-21       793       

دوێنێ پێنجشەممە، بەرپرسی فریاكەوتنی خێرای سلێمانی ئاشكرایكرد، هاوڵاتییەكی رۆژهەڵاتی كوردستان كە كرێكاربوە لە خانویەكی تەواونەكراودا لە گەڕەكی رزگاری لەسەرمادا رەقبۆتەوە. بەڵام كەسوكاری ئەو هاوڵاتییە كە دو دەیەی تەمەنی لە زیندانەكانی كۆماری ئیسلامی ئێران بەسەربردوە دەڵێن: ئەگەری زۆرە بە نەخۆشی دڵ گیانی لەدەستدابێت.؟

ئاوێنە: بەگوێرەی راپۆرتێكی رێكخراوی مافی مرۆڤی هەنگاو، ئەو هاوڵاتییەی خەڵكی رۆژهەڵاتی كوردستان كە دوێنێ پێنجشەممە لەگەڕەكی رزگاری شاری سلێمانی گیانی لەدەستدا ناوی عەلی مورادی بوە، ناوبراو چالاکی سیاسی و تەمەن 50 ساڵان و بەندکراوی سیاسی پێشو بوە لە زیندانەكانی ئێران کە نزیکەی دو دەیەی تەمەنی لەبەندیخانەکانی ئەو وڵاتە بەسەربردوە.

ئاوێنە لە تەلەگرام جۆین بكە

 سامان نادر، بەرپرسی فریاکەوتنی خێرای سلێمانی لەبارەی گیانلەدەستدانی ئەو هاوڵاتییەی رۆژهەڵاتی كوردستان وتبوی "تەرمی کرێکارێک لە خانویەكی تەواونەكراودا لە گەڕەکی ڕزگاری شاری سلێمانی دۆزراوەتەوە کە بە هۆی سەرماوە ڕەق بۆتەوە."

بەڵام هاوڕێیان و نزیکانی عەلی مورادی لەوبارەوە بە هەنگاویان ڕاگەیاندوە "شوێنی ژیانی عەلی مورادی کە سەرقاڵی کرێکاری بوە هەمو کەرەستە و پێداویستییەکانی لێ بوەو ئەگەری زۆرە بەهۆی نەخۆشی دڵ گیانی لە دەست دابێت."

زۆرترین بینراو
© 2022 Awene Online, Inc. All Rights Reserved.
×