سبەی پلەكانی گەرما لە هەرێم بەرزدەبنەوە
  2022-01-21       804       

كەشناسێكی كورد پێشبینی دەكات سبەی شەممە لە ناوچە جیاجیاكانی هەرێم پلەكانی گەرما بەڕێژەی دو بۆ سێ پلەی سیلیزی بەرزببنەوە.

ئاوێنە: ئاراس جەبار، شارەزای كەشوهەوا، ئەمڕۆ هەینی، لە راگەیەندراوێكدا وتی، سبەی شەممە، ئاسمانی ھەرێم بەزۆری ساماڵ و کەمێک پەڵە ھەوری ئەبێت و بەرزترین  پلەکانی گەرما بەرێژەی دو بۆ سێ پلەی سیلیزی بەرزدەبنەوە.

ئاراس جەبار پێشبینی كردوە پلەكانی گەرمای سبەینێ بەم شێوەیە بن: لەسەنتەری پارێزگاکانی ھەرێم (سلێمانی ٤ بە -١٢، ھەولێر ٦ بە -٣، دھۆک ٥ بە -٤، ھەڵەبجە ٥ بە -٧، کەرکوک ٩ بە -١) و  لەناوچەکانی گەرمیانیش لە نێوان ١٠ بۆ -٢، لە سنوری ئیدارەی راپەرین لەنێوان ٥ بۆ -٦.

هێمای بۆ ئەوەش كردوە كە سبەی خێرایی با ئاسایی ئەبێت و لەکاتەکانی بەرەبەیان و شەودا لەناوچە شاخاوییەکانی رۆژھەڵاتی ھەرێمدا چالاک ئەبێت بە خێرایی ١٥-٢٥ کیلۆمەتر لە کاتژمێرێکدا لە ئاڕاستەی باکوری رۆژھەڵاتەوە بەشێوەی وشکە سەرما.

زۆرترین بینراو
© 2022 Awene Online, Inc. All Rights Reserved.
×