دادگای باڵای فیدڕاڵیی عێراق بڕیاریدا بە راگرتنی رێوشوێنهكانی هەڵبژاردنی هۆشیار زێباری، كاندیدی پارتی بۆ پۆستی سهرۆك كۆماری عێراق. دادگاكه ئهوهشی راگهیاندوه كه بڕیارهكهی بهشێوهیهكی كاتییه تا ئەو كاتەی سكاڵاكەی سەر ناوبراو یەكلایی دەكرێتەوە.
ئاوێنە: له دانیشتنی ئهمڕۆ یهكشهممهدا، دادگای باڵای فیدڕاڵیی عێراق بڕیاری لهسهر سكاڵای چهند پهرلهمانتارێكی عێراق دا كه دژی كاندیدبونی هۆشیار زێباری، كاندیدی پارتی دیموكراتی كوردستان بۆ پۆستی سهرۆك كۆمار بۆ دادگاكهیان بهرز كردبوهوه.
ههریهك له پهرلهمانتاران عهلی توركی جهسوم و دیلان غهفور ساڵح و كاروان یاروهیس و كهریم شكور محهمهد، پهرلهمانتارانی عێراق سكاڵایان له دادگا لهدژی هۆشیار زێباری تۆمار كردبو، ئهوان رایانگهیاندبو كه كاندیدكردنی زێباری بۆ ئهو پۆسته، نادهستورییه.
لهسهر ئهو سكاڵایهش، ئهمڕۆ دادگای فیدڕاڵیی عێراق بڕیاریدا بهشێوهیهكی كاتی و تا یهكلایی كردنهوهی ئهو سكاڵایه، رێكارەكانی هەڵبژاردنی هۆشیار زێباری بۆ پۆستی سهرۆك كۆماری عێراق رابگرێت.