شانەی‌ ئەمنی‌: 7 چەکداری‌ داعش لەسنوری‌ پارێزگای نەینەوا كوژران
  2022-02-08       374       

به‌گوێره‌ی‌ ڕاگه‌یه‌ندراوی‌ شانەی‌ راگه‌یاندنی‌ ئەمنی‌ عێراق، له‌ئاكامی‌ بۆردومانکردنی‌ بنكه‌یه‌كی ڕێكخراوی‌ داعش لەسنوری‌ پارێزگای نەینەوا 7 چەکداری‌ ئه‌و ڕێكخراوه‌ كوژراوه‌.

ئاوێنه‌: له‌ڕاگه‌یه‌ندراوه‌كه‌دا هاتووه‌، ئه‌مڕۆ سێشه‌ممه سوپای عێراق بنكه‌یه‌كی داعشی له‌باشوری شارۆچكه‌ی حه‌زری نیمچه‌ بیابان، نزیك باشوری رۆژئاوای شاری موسڵ بۆردومانكرد، بنكه‌كه‌ پێکهاتبو لەئەشکەوتێکی‌ 140 مەتری‌ کە وه‌ك بنكه‌ی سەرەکی‌ به‌كاریانهێناوه‌.

شانه‌ی راگه‌یاندنی ئه‌منی جه‌ختی له‌وه‌ كردۆته‌وه‌ كه‌ بنكه‌كه‌ بەفڕۆکەی F16 بۆردومانکراوەو بەهۆیەوە 7 چەکداری‌ داعش کوژراون کە لەناو بنكه‌كه‌دا بون.

زۆرترین بینراو
© 2024 Awene Online, Inc. All Rights Reserved.
×