نوری مالیكی سەرۆكی ئیئتلافی دەوڵەتی یاسا رەتیدەكاتەوە هەڕەشەی لە كەسایەتیە سیاسیەكان كردبێت و سەرسوڕمانی خۆی لە وروژاندنی ئەو بابەتە لە میدیاكان پیشان دەدات.
ئاوێنه: مالیكی لە پەیامێكدا وتویەتی، بە تەواوەتی هەڕەشەكردن لە كەسایەتییە سیاسییەكان رەتدەكاتەوە كە بەم دواییانە لەدەزگاكانی راگەیاندن باسی لێوەدەكرێت، هەروەها سەری سوڕماوە لە زۆری باسكردنی ئەو پرسە بەبێ پێشكەشكردنی بەڵگە.
ئەوەشی وتووە، ئەگەر هەڕەشەكان راستن داوا لەو كەسانە دەكەن بەڵگەكانیان رادەستی دادگا بكەن، ئەوانیش لەگەڵیان دەبن، ئەگەریش ئەوەیان بۆ ناسەلمێنرێت داوا دەكەن لێپرسینەوەیان لەگەڵدا بكرێت.
ئەمەش دوای ئەوە دێت، پێشتر هەریەكە لە موقتەدا سەدر رێبەری رەوتی سەدر و محەمەد حەلبوسی سەرۆكی پەرلەمانی عیراق بەجیا پەیامیان بڵاوكردەوە و ئاماژەیان بەوەدابوو، هەڕەشە لە پێكهاتەكانی گەل و هاوپەیمانەكانیان دەكرێت.