وەزارەتی دەرەوەی عێراق رایدەگەینێت زانکۆ و پەیمانگە ئۆکرانییەکانیان ئاگادارکردوەتەوە کە مۆڵەتی خوێندن بە خوێندکارە عێراقییەکان بدەن و بەرچاورونی تەواویان بدەنێ.
ئاوێنه: ئەحمەد سەحاف، وتەبێژی وەزارەتی دەرەوەی عێراق رایگەیاند، 27 زانکۆ و پەیمانگەی زانستی ئۆکرانیامان ئاگادارکردوەتەوە مۆڵەتی خوێندن بدات بە خوێندکارانی عێراق لەو وڵاتەدا.
هاوکات باڵیۆزخانەی عێراق لە ئۆکرانیا داوای لە هاوڵاتیەکانی کردوە نەچنە شوێنە مەترسیدارەکان بەتایبەت بەشی رۆژهەڵاتی وڵاتەکە و هەر پێویستیەکیشیان بو پەیوەندی بەهێڵێ گەرمی باڵیۆزخانەکەوە بکەن بە مەبەستی هاوکاریکردنیان.