دادگای فیدراڵی دوبارەكردنەوەی خۆپاڵاوتنی بۆ سەرۆك كۆمار بە نادەستوری ناوبرد
  2022-03-01       585       

دادگای فیدڕاڵی عێراق ئه‌مڕۆ سێشه‌ممه‌ رایگه‌یاند، دوباره‌كردنه‌وه‌ی ده‌رگای خۆپاڵاوتن بۆ پۆستی سه‌رۆك كۆمار ناده‌ستوریه‌.
 
ئاوێنه‌: ئاژانسی "بغداد الیوم" له‌سه‌ر زاری سه‌رچاوه‌یه‌ك له‌ دادگای فیدڕاڵی بڵاویكرده‌وه‌، ئه‌مڕۆ دادگای فیدڕاڵ رایگه‌یاندوه‌، بڕیاری سه‌رۆكایه‌تی په‌رله‌مانی عێراق بۆ كردنه‌وه‌ی جارێكی دیكه‌ی خۆپاڵاوتن بۆ پۆستی سه‌رۆك كۆمار ناده‌ستوریه‌.

ئه‌وه‌شیخسته‌ڕو، دادگای فیدڕاڵی دوپاتیكرده‌وه‌ كه‌ هیچ مادده‌یه‌كی ده‌ستوری و یاسایی نییه‌ كه‌ ده‌سه‌ڵات بداته‌ سه‌رۆكایه‌تی ئه‌نجومه‌نی نوێنه‌ران بۆ كردنه‌وه‌ی دوباره‌ ده‌رگای خۆپاڵاوتن بۆ پۆستی سه‌رۆك كۆمار. 

چوارشەممەی‌ ڕابردوو دادگا دانیشتنی بۆ هەمان مەبەست هەبوو، بەڵام دوایخست بۆ ئەمڕۆ.

دوای ئەوەی نەتوانرا لەماوە دەستووری و یاساییەكاندا سەرۆك كۆمار هەڵبژێردرێت، سەرۆكایەتیی ئەنجومەنی نوێنەران بڕیاریدا سێ ڕۆژ دەرگای خۆكاندیدكردن بۆ پۆستەكە بكاتەوە، بەڵام بەشێك لە لایەنەكان و پەرلەمانتارانی عێراق دووبارە كردنەوەی دەرگای خۆكاندیدكردن بە نایاسایی دەزانن، بۆیە باسم خەشان پەرلەمانتاری عێراق لەوبارەیەوە سكاڵای لە دادگای فیدراڵی تۆماركرد.

بەپێی ماوە دەستوورییەكان، پێویست بوو تا ڕۆژی هەشتی مانگی ڕابردوو لە ئەنجومەنی نوێنەرانەوە سەرۆك كۆمار هەڵبژێردرایە، بەڵام ئەو كارە نەكرا، بۆیە محەمەد حەلبووسی سەرۆكی ئەنجومەنی نوێنەران هەمان ڕۆژ بڕیاریدا بە دووبارە كردنەوەی دەرگای خۆكاندیدكردن بۆ پۆستی سەرۆك كۆمار.
 

زۆرترین بینراو
© 2023 Awene Online, Inc. All Rights Reserved.
×