بهگوێرهی راگەیەندراوی فەرمانگەی راگەیاندنی ئەنجومەنی نوێنەرانی عێراق، سبەی یەکشەممە تۆمارکردنی ناوی کاندیدان بۆ پۆستی سەرکۆمار دەستپێدەکات.
ئاوێنه: لهڕاگهیهندراوهكهدا هاتووه، "پشت بەستن بەرێساکانی یاسای خۆکاندیدکردن بۆ پۆستی سەرۆك کۆمار ژمارە ھەشت بۆساڵی 2012، دوای ئەوەی ئەنجومەنی نوێنەران لەدانیشتنی ژمارە 3ی ئاسایی خۆیدا، رەزامەندی لەدوبارەکردنەوەی دەرگای خۆکاندیدکردن بۆ پۆستی سەرکۆمار نیشاندا، ئەنجومەنی نوێنەران کردنەوەی دەرگای خۆکاندیدکردن بۆ پۆستی سەرکۆمار رادەگەیەنێت".
ئهوهش هاتووه، "بهگوێرهی ماددەی یەک لەیاسای ھەڵبژاردنی سەرۆك کۆماردا، ئەو کەسانەی مەرجەکانی خۆکاندیدکردنیان بۆ پۆستی سەرۆك کۆماری تێدایه، سبەی یەکشەممە سیڤی خۆیان پێشکەش بەسەرۆکایەتی ئەنجومەنی نوێنەران دهكهن، تا سێ رۆژ بەردەوام دەبێت".
ئەمرۆ شەممە، ئەنجومەنی نوێنەرانی عێراق لهدانیشتنی ئاسایی خۆیدا، بەزۆرینەی دەنگ بڕیاری دوبارەکردنەوەی دەرگای خۆکاندیدکردنی بۆ پۆستی سەرکۆمار پەسەند کرد.