په‌رله‌مانتارێكی پێشوی عێراق حكومه‌تی هه‌رێمی كوردستانی به "دزینی" سامانی نه‌وت تۆمه‌تبار كرد و رایگه‌یاند كه هه‌رێم ساڵانه 9 ملیار دۆلاری له داهاتی نه‌وت ده‌ستده‌كه‌وێت.
ئاوێنه: كازم سه‌یادی، په‌رله‌مانتاری خولی پێشوی په‌رله‌مانی عێراق لەسەر پشکی ئیئتلافی سائیرون-ی سەربە موقتەدا سەدر له به‌رنامه‌ی "عشرین"ی كه‌ناڵی سۆمه‌رییه وتی: "750 ملیۆن دۆلار خراوه‌ته بانكه‌كانی لوبنان، بێده‌نگیش له‌و دزینی ئه‌و نه‌وته ده‌كرێت كه حكومه‌تی هه‌رێم ده‌یبات، داهاتی ساڵانه‌ی ئه‌و نه‌وته‌ش 9 ملیار دۆلاره".
سه‌یادی وتیشی كه له ده‌روازه سنورییه‌كانیش 7 ملیار دۆلار به هه‌ده‌ر ده‌ردێت و ئه‌و گه‌نده‌ڵه‌ییه‌ی كه له ده‌روازه‌كاندا هه‌یه، حزب ده‌یكات.
"عێراق سركرده‌ی سیاسیی نییه، ئه‌م كێشانه‌ش وایكردوه كه واقعی سیاسیی عێراق به‌هۆی نه‌گه‌یشتن به چاره‌سه‌ر، واقعێكی شه‌رمه‌زاركه‌ر بێت"، سه‌یادی وای وت.