هاوپەیمانی نێودەوڵەتی رایگەیاند، بەرەبەیانی ئەمڕۆ هەینی، سیستمی بەرگریی ئاسمانی ئەمریكا لە ئاسمانی بنكەی سەربازیی عەین ئەسەد لە پارێزگای ئەنبار، فڕۆكەیەكی بێفڕۆكەوانی خستۆتە خوارەوە.
ئاوێنە: هاوپەیمانی نێودەوڵەتی، لە بەیاننامەیەكدا رایگەیاند"نزیك كاتژمێر 1:46 خولەكی بەرەبەیانی ئەمڕۆ هەینی، سیستمی بەرگریی ئاسمانی ئەمریكا، فڕۆكەیەكی بێفڕۆكەوانی خستەخوارەوە كە هاتبوە ئاسمانی بنكەی ئاسمانی عەین ئەسەد."
ئاماژەی بەوەشداوە كە روداوەكە هیچ زیانێكی گیانی و ماددی بەدواوە نەبوەو دەستیش بە لێكۆڵینەوە لەبارەیەوە كراوە.