سوپای عێراق جێبەجێکردنی ئۆپەراسیۆنێکی ئەمنی بەناوی چەکوشی ئاسنین لەشاری کەرکوک راگەیاند و هەر ئەمڕۆش وەفدێکی باڵای ئەمنی بۆ ئەو مەبەستە گەیشتنە پارێزگاکە.
ئاوێنه: شانەی ئەمنی عێراق بڵاویکردوەتەوە، ئۆپەراسیۆنی چەکوشی ئاسنین، کە ئۆپەراسیۆنێکی ئەمنی فراوان و گشتگیرە بەمەبەستی پشکنینی ناوچەکانی وادی چای، دۆڵی ئەزگیتۆن و زنجیرە چیای حەمرین لە سنوری پارێزگای کەرکوک بەڕێوەدەچێت.
ئاشکراشیکردوە، بەمەبەستی دەستکردن بە جێبەجێکردنی ئۆپراسیۆنەکە ئەمڕۆ هەریەکە لە جێگری فەرماندەیی ئۆپراسیۆنە هاوبەشەکان و فەرماندەیی پۆلیسی فیدڕاڵی گەیشتونەتە بارەگای ئۆپراسیۆنە هاوبەشەکان لەکەرکوک.
چاودێریکردنی یەکەکانی دەزگای بەرەنگاربونەوەی تیرۆرە لە باشوری شاری کەرکوک
رونیشیکردوەتەوە، ئامانجی هاتنی وەفدەکە لەنزیکەوە ئاگاداربون و چاودێریکردنی جێبەجێکردنی ئۆپراسیۆنەکە کە لەلایەن هێزێکی تایبەتی سوپای عێراوە بەڕێوەدەچێت و چاودێریکردنی یەکەکانی دەزگای بەرەنگاربونەوەی تیرۆرە لە باشوری شاری کەرکوک.