وەزارەتی پلاندانانی عێراق رایگەیاند، حکومەتی ئێستا پڕۆژەیاسای بودجەی ساڵی 2022 پێشکەشی پەرلەمان ناکات و ئەو کارە بۆ حکومەتی داهاتو بەجێدەهێڵێت.
ئاوێنە: ماهر حەماد، بریکاری هونەری وەزارەتی پلاندانای عێراق بە ئاژانسی هەواڵی عێراقی راگەیاندوە، حکومەتی کاربەڕێکاری ئێستای عێراق پرۆژەیاسای بودجە پێشکەشی پەرلەمان ناکات و بۆ حکومەتی داهاتوی عێراقی بەجێدەهێڵێت.
حەماد ئاماژەی بەوەشکردوە، یاسای پاڵپشتییە بە پەلەکان کێشەی ئاسایش و خواردن و پرۆژە خزمەتگوزارییەکان چارەسەر دەکات تا کاتی پێشکەشکردنی پرۆژەیاسای بودجەی نوێ.