ئەمینداری گشتی ڕێكخراوی بەدر لەسەر دۆخی عێراق هاتەدەنگو ڕایگەیاند، "عێراق بەهەلومەرجێکی نائاساییدا تێدەپەڕێت کە دەبێت چارەسەری واقیعیانە لەوبارەوە بەدەستبهێنرێت"، هۆشداریدا لەوەی، داعش ڕابردوو ههروهها داهاتووی عێراقیشى بەئامانجگرتووە.
هادی عامری ئەمینداری گشتی ڕێكخراوی بەدر لەوتارێكدا كە لەیادی 41 ساڵەی دامەزراندنی ڕێکخراوی بەدردا پێشكەشیكرد وتی:"داعش ڕابردوو ههروهها داهاتووی عێراقیش بەئامانج دەگرێتو عێراق بەهۆی دەسەڵاتی باڵاوە تیرۆری تێکشکاندووە".
عامری وتیشی:"عێراق بەبارودۆخێکی نائاساییدا تێدەپەڕێت کە دەبێت چارەسەری واقیعیی تێدابکرێتو پێویستە کۆتایی بەگەمارۆی سیاسی بهێنین".
هۆشداریشیدا لە"پلانی دوژمنان كە دەیانەوێت لەنێوان لایەنەكاندا دایبنێن"و وتیشی:"سەرکەوتنی خوازراو لەبونیادنانی دەوڵەتدا بەدەستنەهێنراوە".
بارودۆخى سیاسی عێراق بەدۆخێكی چەقبەستوویدا تێدەپەڕێتو دوای زیاتر لەشەش مانگ لەهەڵبژاردنی پێشوەختەی عێراق، تائێستا لایەنە سیاسییەكان لەسەر پێكهێنانی حكومەتی نوێی عێراق ڕێكنەكەوتوون.