وەزارەتی حەج و عەمرەی سعودیە عەمرەکاران ئاگاداردەکاتەوە ڤیدیۆکردن و وێنەگرتن لەناو حەرەم کەمبکەنەوە و داوادەکات سەرقاڵی خواپەرستیبن نەک وێنەگرتن.
ئاوێنە: لە ڕاگەیەندراوێکدا وەزارەتی حەج و عەمرەی سعودیە بڵاویکردەوە، زۆربوونی ئەو عەمرەکارانەی وێنە و ڤیدیۆ دەگرن لەناو حەرەمدا بەڕێژەیەکی زۆر، وایکردووە بەشێکی دیکە لە عەمرەکاران بێزارببن.
وەزارەتی حەج و عەمرەی سعودیە زۆربوونی ئەو دیاردەیە لەکاتی ئەنجامدانی عەمرەدا بەهۆکاری زۆربوونی پێکدادانی نێوانه عەمرەکاران دادەنێت.
داواش لە عەمرەکاران دەکات سەرقاڵی خواپەرستی و ئەمجامدانی سروتە دینییەکانیان بن نەک وێنەگرتن و ڤیدیۆکردن.
لەگەڵ ئەوەشدا جەختدەکاتەوە کە نابێت هیچ حاڵەتێکی تایبەتی لەناو عەمرەکاراندا ڤیدیۆ بکرێت یان وێنەبگیرێت.